城城減片酬鼓勵新導演交劇本

導演杜琪峯及影帝郭富城昨日現身為「第十三屆鮮浪潮國際短片節」揭幕，杜琪峯不厭其煩再提醒各新導演原創的重要性：「原創最重要係唔好抄！再講一次唔好抄，抄就唔係創作，要堅持原創。」
導演杜琪峯（中）一再提醒新進導演們切忌抄襲。
導演杜琪峯（中）一再提醒新進導演們切忌抄襲。

城城更公開呼籲如有劇本不妨交給他，並指近年與超過10位新導演合作：「佢哋喺創作上有新元素、多元化啲，充滿新鮮嘅力量。新導演開戲都會係低成本製作，肯定會減片酬，會因應環境去遷就，唔係太大問題，喺電影圈咁多年，盡力去幫有心發展嘅新血，電影業先會蓬勃、先有好嘅電影出現，覺得同新導演合作係緣分。」

正忙於巡唱的城城，現時未有電影工作在身，一有時間便享天倫之樂，陪伴愛妻及兩名囡囡，他微笑自爆「秘密」：「之前同咗大寶去海洋公園，遲啲會同佢去迪士尼，呢啲都係小朋友嘅天堂，二寶有家傭同外母湊都好放心。」

城城提到家中兩名小公主，即面露甜笑。
  • 城城提到家中兩名小公主，即面露甜笑。