麥浚龍謝安琪家暴互毆
歌手謝安琪（Kay）和麥浚龍（Juno)昨日現身電台宣傳新歌《廢話》時，異口同聲表示新歌甚有難度，因為歌詞好大篇幅要一人一粒字唱，講述夫妻慶祝結婚周年，點蠟燭十分浪漫，還與80人一起跳舞，不過之後拍的MV，仿似下集，劇情峰迴路轉回家打鬥起來，難怪Juno也讚Kay好勇敢，可以一日跳舞，一日打鬥，但Kay卻坦言很難：「咁多年嚟就算演唱會都好少跳舞，兩樣都好花心機，同大家一齊同步，打鬥要好有默契，時間掌握好緊要。」
打鬥場面似足電影的高手過招，有武指及替身在場，並有翻騰動作，有超現實打鬥效果，Kay表示劇情發展有驚喜，由於拍攝投入，大家都有瘀傷，不過絕不主張家中打鬥：「如果夫妻本身都係武林高手，平日係咁樣聯絡感情嘅就冇計啦！如果唔係，家庭冇嘢係要訴諸暴力，冇人想見到家庭唔和諧。」