52歲林利唔等得恨生B

日前向圈外台籍女友求婚成功的前小虎隊成員林利，昨日孖胡渭康、黃翊及黃寶欣等為9月的伊館騷造勢。他透露月底會在港註冊，年底再在台灣註冊及旅行結婚兼度蜜月：「會喺米蘭上郵輪，去歐洲玩十幾日，同行會有攝影師，影啲生活化啲嘅結婚相。（做準人夫咩心情？）淡定好多，依家有個伴，係人生中最想要嘅結局，媽媽都好開心，我又52歲唔好再等，同埋都想生B，杜德偉大過我都生到！」
林利計劃旅行結婚兼度蜜月。
林利計劃旅行結婚兼度蜜月。

講到女星馮鎵瀠於社交網大爆林利未婚妻是昔日「情敵」，他說：「我同老婆同佢根本就互不相識，冇被影響。（你爆晒粗。）就係因為大家都唔識！佢做咩喺度作古仔，都幾無聊！（女友唔開心？）唔會，畀機會人上報紙，我都係問記者朋友先知佢係邊個。」同場黃寶欣則自爆會於演唱會上跳舞。

黃寶欣預備唱快歌兼熱舞。
  • 黃寶欣預備唱快歌兼熱舞。