名模陳嘉容（Eunis）與林志玲相識逾廿載，雙方是識於微時的模界密友。Eunis表示得悉志玲有好歸宿，已第一時間私訊道賀：「我啱啱傳咗個短訊，話：『從心底裏的祝福，戥你開心，希望你永遠幸福快樂一輩子。』」她看過AKIRA的照片後大讚兩人是「金童玉女」：「好多人或者會覺得模特兒就要搵啲某某有錢人，其實我覺得活到呢個年紀，搵到一個令自己開心嘅人，唔理係乜嘢人，乜嘢國籍，都唔會介意！（拍拖半年就閃婚，好衝動？）絕對唔衝動，人生短暫，要珍惜每件事，如果遇到嗰刻，大家個心一致，唔可以閃婚咩？開心係人生最重要嘅嘢。」她又指志玲愛花又愛粉紅色，是充滿少女心的美少女，性格可愛。