Tim被投訴「虐待」隊友
樂隊Dear Jane昨日現身電台宣傳新歌《碌架床》，四子表示早前遠赴西雅圖錄最新EP兼拍MV：「呢個Project玩懷舊。（落重本去到咁遠錄歌？）一次過錄晒5首仲慳錢。」成員Howie自爆食方面用得最多錢：「真係狂食，次次埋單都嚇一嚇，每餐飯都好似開生日會咁。」
講到主音Tim繼續為MV執導，Howie投訴被導演「虐待」，令他有死的感覺：「4月嘅西雅圖好熱，但唔知佢喺邊度搵到個雪山，仲以為會有幾凍，同Jackal、Nice成個白癡就咁着住普通波鞋，一落車就喺雪地行半個鐘，凍到想斬腳趾！（Tim着到全副武裝？）係！唔知點解佢淨係同化妝師、髮型師講，但冇同我哋講！」而Tim在旁笑到彎晒腰，問到Howie可有計劃復仇？他說：「為咗復仇去學做導演，下首歌我執導，叫佢去火山拍！」