歌手戴祖儀昨午到電台受訪，談到同公司兩位師姐吳若希及菊梓喬多次被傳爭寵及不和，她說：「唔覺，總之大家一齊做嘢都好開心，冇呢種感覺！（你上位後爭埋一份？）永遠做小師妹OK嘞！細個多人錫開心啲。（係咪畀師姐爭晒，你冇得唱劇集主題曲？）我都錄咗啲插曲未出街啫，況且我嘅聲線其實唔係咁啱唱古典歌曲，要練好啲歌先。」
談到新工作，她表示近日有份拍攝無綫新節目《8個香港》：「帶咗譚玉瑛姐姐去葵涌廣場參觀，嗰個地方係我嘅中學勝地，估唔到佢都啱行。」
