陳茵媺恨拍劇捉實梅小青密斟

藝人陳茵媺與譚杏藍等昨日在銅鑼灣出席護膚品活動，原本皮膚雪白的陳茵媺明顯曬黑，她笑說：「依家住近咗沙灘，成日帶小朋友去沙灘玩，所以曬黑咗！」她又透露最近正狂煲有份演出的劇集《法證先鋒III》，剛巧在活動中與無綫監製梅小青碰面：「真係好掛住拍劇！但係要照顧三個小朋友，時間難就啲，拍電影就會容易就啲，如果我出去做嘢，阿Mo（陳豪）都會喺屋企照顧小朋友。（梅小青有冇搵你拍劇？）頭先未有時間傾，好耐冇見，都係講扮靚。」