馬國明講金唔講「心」 求手下留情
藝人馬國明、郭晉安、李佳芯（Ali）與唐詩詠等前晚出席劇集《白色強人》首映會。馬國明表示該劇非一般師奶劇，當中涉及醫療架構及政治題材，所以對收視不敢抱太大期望。他又透露現處於休息階段，努力登台搵真銀，問到自從「安心事件」後有否影響他的外快工作？他說：「冇影響，向來都OK。（有冇搵黃心穎？）我唔講喇！（之前話佢被追討賠償千萬？）公司都回應咗，而且呢啲我唔知，係公司先知。（去旅行散心？）冇乜嘢，我投入工作，希望大家手下留情。」
至於另一劇集《降魔的2.0》，他表示已完成戲份，但透露早前拍劇受傷入院的胡鴻鈞需補拍其他鏡頭，曾探望過對方：「佢好番好多，好正常，雖然佢撞到個頭，但思維冇事。」
李佳芯怕角色乞人憎
至於郭晉安讚Ali在劇中表現突出，看劇本時更為對方的角色而流淚，Ali反指怕乞觀眾憎：「我個角色好寸，成日黑面，覺得自己好叻，講嘢又好倔。」唐詩詠則讚劇集有美劇味道，拍攝有別以往，希望觀眾花多點耐性欣賞。
