關係夠晒Close汪明荃知契女拍拖

謝賢女兒謝婷婷近日突然宣布誕下女兒,令人驚訝,婷婷契媽汪明荃前晚到電視城錄影節目,升呢契婆的她表示比傳媒早一步獲知喜訊:「婷婷有話畀我知,但冇畀相我睇,都想睇吓BB,睇佢幾時返啦,佢都唔喺香港!(你一早知婷婷生女?)之前已經知,都有啲意外驚喜,始終咁大個,佢一向都有拍拖。(但冇公開戀情!)呢啲好私人唔使公開。(比謝賢更早知道?)我同契女幾Close嘅,後生處理有自己一套,都恭喜佢。(送咩畀契孫?)要見到先,未諗到。」

而昨晚汪明荃再錄影節目,對於有指婷婷BB的父親是其溫哥華的朋友,汪明荃說:「我唔清楚,佢冇講我就冇問,冇見過佢男友。(傳佢係有錢人!)佢開心就得啦!錢唔係大問題,最緊要個人。」