零下20度晒水着？ 鄺潔楹眼睫毛結冰

「是非精」鄺潔楹（Judy）早前聯同朱智賢到芬蘭兩星期拍攝《3日2夜》，Judy表示今次已是第五度拍《3日2夜》，亦是最辛苦的一次﹕「當時係零下十幾二十度，我哋經常要着住泳衣喺室外拍浸溫泉，雖然啲水係暖，但頸部以上好凍，可能溫差太大，朱朱（朱智賢）話有少少想嘔。」
在零下20度的雪地上着住泳衣拍攝，鄺潔楹（左）與朱智賢一上水即互攬取暖。
在零下20度的雪地上着住泳衣拍攝，鄺潔楹（左）與朱智賢一上水即互攬取暖。

Judy坦言初時也有質疑為何在如此凍的地方也要在室外浸溫泉，原來芬蘭人認為一冷一熱有助舒筋活絡，這才是正宗的芬蘭浴：「當地人話我哋去嘅時候，算係幾凍嘅日子，佢哋係唔建議零下十幾度去做呢件事。」她又指每次在戶外拍攝，只要超過一小時，頭髮及眼睫毛便變得僵硬並結上冰粒：「對我嚟講好深刻，亦係我拍過最凍嘅地方，不過只要出來效果靚就好值得。」

鄺潔楹（左）與朱智賢早前到芬蘭拍攝《3日2夜》。
  • 鄺潔楹（左）與朱智賢早前到芬蘭拍攝《3日2夜》。