代蓮曦丹美財位放貔貅有入冇出
前港姐代蓮曦丹美（Daisy）向來有在家中放置擺設及戴珠鏈的習慣，望催財運及求平安，她說：「我不嬲會放一個開光咗嘅貔貅喺客廳嘅財位，用嚟鎮宅同令財運更加好，仲會戴貔貅手鏈同珠鏈，呢條珠鏈係有108粒佛珠，自己每次出外工作都會戴住，祈求事事平安。」
對於Daisy放貔貅在家中財位，堪輿學家陳子才表示她的命格五行屬水：「生月寒冬，一生喜木、火，鮮艷明亮嘅顏色都對佢比較有利，翡翠、玉石等飾物及擺設亦可加強運勢。貔貅主要有開運、吸財嘅作用，特點係佢有口冇肛，能吞萬物而不洩，因此有納食四方之財、有入冇出嘅寓意，一般嚟講對做生意，尤其比較偏門嘅行業更為合適，可以放喺家中財位，貔貅口要向外。如果戴喺手上，一般都戴喺左手更為適當。」至於戴佛珠保平安，子才又說：「108粒佛珠（唸珠）最為常見，寓意息滅煩惱，一般相信佛珠可保吉祥、平安、順利。」
