吳香倫肺炎留院病床刨劇本
「綠葉王」陳榮峻與吳香倫的「黃昏戀」修成正果，結婚10個月，幸福美滿。但好事多磨，吳香倫因肺炎纏身，久咳長達10個月，令「愛妻號」陳榮峻擔心不已。
無綫資深藝人陳榮峻在社交網透露太太吳香倫入院，並上載她在病床上的相片，雖然戴上口罩，但吳香倫仍手執無綫劇集《愛．回家之開心速遞》的劇本，猶幸精神尚算不錯，不過右手食指就包住紗布。
洗支氣管抽肌肉化驗
陳榮峻留言表示：「容儀（劇中角色名）剛出院兩天，又被醫院急Call回去，希望早日出院，繼續拍攝《開心速遞》。譚道德（劇中角色名），譚何容儀，開心速遞。」網民都大讚吳香倫工作態度認真，入院仍劇本不離手，令人尊敬！昨日，陳榮峻再回覆本報表示：「太太10個月前患上肺炎，到現在還是肺炎，從來冇好過，早幾日入院洗支氣管，洗走啲痰，及取組織去化驗，又抽手指肌肉同大髀肌肉去化驗。」
度蜜月已經病發
其實早在去年7月二人結婚時，吳香倫已開始病發，當時他倆結伴去度蜜月，起行前她已睇定醫生以策安全，惟至今已10個月，肺炎仍未痊愈，令陳榮峻十分擔心：「佢肺炎，冇發燒乜都冇，只係耐唔耐有幾聲咳！香倫肺炎由舊年我哋度蜜月時，持續到依家，醫生抽晒啲組織去驗，應該冇事嘅！（佢仲好勤力睇劇本？）因為《愛．回家》有一集要連戲，拍埋之後就會好好休息吓！」