Yanny骨妹踩背 李尚正一試鍾情

周星馳電影綠葉王李尚正最近夥拍Super Girls索女Yanny出征骨場，在網劇《向西聞記》新單元《骨與慾》中發展荒誕畸戀！故事描述打工仔阿正對「純純兔」骨妹Yanny一見鍾情，首次扮骨妹的她雖曾跟按摩姐姐取經，但拍踩背鏡頭其實相當尷尬：「我哋本身唔認識，第一次見佢就要赤腳踩佢背，諗住整蠱佢話我有灰甲，點知佢一啲都冇驚！」阿正則笑言合作後已變成其Fans：「我本身最鍾意Super Girls嘅Aka，因為對腳好長，依家同Yanny切磋後發現佢都不遑多讓，按摩手勢同腳法仲恰到好處，令人回味！」