細仔搶閘出世 莫家淦嚇到彈起
藝人莫家淦太太第二胎預產期原為6月，想不到「二公子」前日傍晚「搶閘而出」，再為人父的家淦昨午報喜：「BB重3.4kg，太太前日下午兩點左右話穿咗羊水，我本嚟瞓緊覺都即刻彈起，但佢好冷靜，沖完涼搞埋所有嘢先去醫院。」由於第一胎時BB「未掉頭」，最終要剖腹產子，他指太太今次生產順利得多：「有入產房陪太太，但唔敢亂講嘢，只係捉住佢隻手作支持，仲剪埋臍帶添！」
家淦又指老婆昨日原定出席大仔首個學校生日會，最終改由他「代勞」﹕「大仔都玩得好開心。（細仔改名未？）未決定，但哥哥話自己叫『莫暴龍』，細佬就叫『莫速龍』！之前我代細佬買咗份禮物畀佢，佢知道細佬出咗世，即刻拆開嚟玩！」
