陳煒唔合眼緣抄完牌冇下文

陳煒

無綫藝人陳煒、洪永城、袁文傑與余德丞等昨日出席無綫節目《如果這樣生活》記者會。陳煒在台灣拍攝時參加了相睇活動，她笑言幾尷尬：「參加咗兩場，其中一場有成三十幾對男女，見到好多競爭對手都花枝招展，咁我當然都係着到花枝招展啦！」雖然配對了符合其要求的男士，但她坦言不合眼緣，覺得質素麻麻：「都有交換電話，但係我冇覆佢，感覺好奇怪！發現自己唔係需要有條件嘅人，係需要有緣人。」又自言都心急尋找另一半拍拖，日後會多點出街結識異性。

洪永城帶女友見阿媽

至於洪永城再次到西藏，坦言經歷更難忘，包括酒店內對着布達拉宮打坐，問到打坐有否想起女朋友楊諾妍？他笑說：「唔係！當時就係要唔好諗女友。」提到對方最近網晒泳衣相，事前可得他批准？他笑說：「唔介意，佢都有畀我睇，但係我諗佢唔係問我批唔批准，係問我靚唔靚囉！咁當然好靚啦。」又指稍後會帶女友到台灣首次見媽媽。

眾人開定香檳，舉杯預祝收視高開。

陳煒參加相睇搵男友，呻台男質素麻麻，冇個啱眼緣。

此外，曾於踢波時突然昏迷心臟停頓的余德丞在節目中大談生死，指對生命、生活有不一樣的看法，現時會放慢步伐。今次他到日本一個偏僻小島學習慢活，跟一位放棄高薪厚職轉去經營搖滾民宿的廚師齊齊釣魚、唱歌及談人生。