張惠雅點男人執底褲
歌手張惠雅昨日以嘉賓主持身份到電台分享旅行經歷，透露6月初將啟程去西安，她笑說：「我會去睇兵馬俑，啲人話個個樣都唔同，所以我諗住去睇吓搵唔搵到自己個樣！」她表示會與家人同行：「記得8、9年前帶過屋企人去旅行，但搞到家姐喊，因為唔識安排行程，搞到佢好忟，又Book埋啲Motel（汽車旅館），搞到阿媽變樣！所以依家去過咁多旅行之後，有信心可以做到佢哋半個導遊。」
提到她早前在尼泊爾與男駝夫「ball dum」的「霧水情緣」，她笑住自爆當時把內衣褲遺漏在當地：「之後我同家姐返嗰度行山有搵番佢，原來佢特登上山幫我攞番條底褲，邊有男人咁好o架？」