姚子羚再被爆料 蔡宛珊：我哋係受害者
藝人姚子羚（Elaine）與模特兒蔡宛珊（Sarika）的前夫Raymond拍拖成為傳媒焦點，雖然已跟男方分手，亦已放下走回自己的路，但似乎有人仍未放低，不時爆相、爆聲帶。
姚子羚昨日回應時表示：「要澄清嘅我之前已經澄清咗，其實我同Raymond已經回復普通朋友關係，所以關於佢嘅嘢，我唔方便再作回應。事情已經告一段落，所以再發放啲有我嘅相片或對話，其實係冇意義嘅！我嘅心情同工作都唔會受呢件事影響，多謝大家關心。」
至於Sarika亦重申：「其實我同Raymond於2017年初分居，之後Elaine或者其他異性幾時出現、有冇重疊呢啲嘢，我唔清楚，亦唔想深究。」問到覺得是誰不斷放料？她說：「唔知，唔想猜測。（係咪覺得有人放唔低？）唔想猜測，已經唔關我事！」問到覺得Elaine是否受害者？她說：「個個都係受害者，因為我同Elaine係圈中人，仲有影響Raymond同所有牽涉事件嘅人，希望事件快啲完結！」