男友考醫生專業試 馮盈盈下周做人妻？
藝人馮盈盈昨日到馬鞍山出席活動，穿型格打扮的她示範打機。剛與麥明詩於荷蘭拍攝旅遊節目返港的她透露，去了夜店玩樂，但沒有艷遇：「當地啲男仔個個1米90，自問高攀唔起。（見識當地男妓？）通街都有『鴨』同『雞仔』喺度行，哈哈。我哋訪問做咗幾十年性工作嘅女性，佢今年75歲，所以此行令我大開眼界，開放咗同包容咗。」並指認識了很多當地的新朋友，靠社交平台聯繫友誼。
提到盈盈早前錄影節目時叫男友做老公，她說﹕「暱稱嚟啫。（幾時變真？）起碼要等到下星期，佢考到個醫生專業試先得，如果通過唔到就冇咁快。（你向醫生太太路線出發？）係佢向『馮盈盈老公』路線努力，佢要進步追上我嘅步伐。」
