明年歐洲秘婚？ 高海寧冧讚鄧智偉有才華

高海寧對鄧智偉有讚冇彈。

收回物業做愛巢

昨日有指高Ling與男友現正租住馬鞍山愛巢，兩年前她已成功上車，在油塘置業放租，物業價位短短兩年已升至近千萬，有閨蜜爆她打算明年結婚，有意收回物業自住作新婚居所。而二人亦計劃明年飛到歐洲秘婚，效法蕭正楠與黃翠如，結完婚才向外公布。

對於結婚傳聞，高Ling昨日回應時笑言：「真係得啖笑，冇咁嘅事，真係冇樣嘢係真，除咗讚佢（鄧智偉）叻之外。」冧到咁，問你死未！

楊明唔識用腦

此外，高Ling、楊明、吳若希、何雁詩及林穎彤等，前晚到將軍澳電視城錄影《娛樂大家》，楊明笑說：「我出名叻……戶外方面，室內用腦嘅就唔識喇！今朝高Ling畀black magic我玩，我到依家仲未諗到點解，死啦！」問到是否豬隊友？他們相視而笑，然後互指是豬隊友。

楊明與高海寧互指是「豬隊友」。

吳若希透視誘惑搶風頭。