宋芝齡買酒唔蝕底試飲20分鐘
身為「韓國通」的宋芝齡十年前開始投資韓國生意，愈撈愈掂，每月有高達六位數字收入，是無綫人工的10倍！難怪有圈中「隱形富婆」之稱。不過，日前她獨自於超市買酒時，竟然師奶仔上身不停試飲，飲完一杯又一杯，唔蝕底試足近廿分鐘才扑槌購下。
現年40歲的中韓混血兒宋芝齡，1996年參選香港小姐入行，其後獲安排主持工作，奈何星路平平，直至2005年掀起「大長今熱潮」，帶挈精通韓文的她被委派訪問李英愛等人氣韓星，從而令她工作量大增兼人氣上升，她亦趁「韓流」之風投資生意，其中韓國語言學校更搞得有聲有色，可謂豬籠入水。
素顏踢拖出巡
被揭是圈中「隱形富婆」的她，現時出入駕駛名車，又養名種狗，還有三個工人服侍。不過，日前見她獨自於中環超市掃貨時，素顏兼踢拖上陣，師奶仔上身，不時查看價錢及食物營養標籤，期間在揀選紅酒及白酒時，見到有推廣活動，即唔蝕底地不停試飲，飲完一杯又一杯，足足試了近廿分鐘，試真口味後，她最終揀了四、五支酒放入購物車。
其後再去掃魚生等食物，由於魚生種類配搭繁多，似乎令她花多眼亂，拎起一盒上手望一望，又拎過另一盒研究，細看完一輪才揀得心水配搭，之後推住購物車往排隊付款。付款後，她繼續推着大袋戰利品往商場的服務櫃台，辦理完停車場優惠便往取車走人。
