卓韻芝拋胸撼贏密實阿Sa
藝人蔡卓妍（阿Sa）、卓韻芝與導演陳淑儀，昨日出席舞台劇《情敵勸退師》發布會，阿芝穿吊帶Deep V騷半球，搶贏密實阿Sa風頭。問到二人造型是否配合角色？阿Sa說：「今日唔係角色造型，我今日都係阿Sa，佢都係阿芝。」問到誰演小三？她們笑言要保持神秘。
問到她們同時愛上的男主角會否出現？阿Sa笑言：「我哋傾劇本時，有諗過呢個人一定係古天樂，咁我哋幻想啫，因為劇入面冇呢個男人出現。」阿芝亦認同非古天樂莫屬：「冇其他可能性啦。」並笑言若發現老公有外遇，會收起對方的旅遊證件、信用卡及八達通，以「監獄模式」對付老公。阿Sa則說：「飛咗佢啦，黐線！其實講就容易，同唔同嘅人一齊、所經歷嘅事，其他人唔會知，好難去秤，要到發生先知點做。」