黃婉曼誕7磅細女似老公
前天氣女郎黃婉曼（Icy）與會計師老公馮柏基的第二胎終於出世！昨日Icy在社交網宣布喜訊，早前剖腹誕下B女，兩年抱兩女。她受訪時指細女出世時重7磅多，手指與腳趾均長，一出世即追奶飲：「大女出世時唔肯飲人奶，但今胎BB就好肯飲，第一日就埋身餵人奶，好有滿足感，原來個個唔同。」
她表示大女叫Kyra，故細女的英文名亦揀K字頭，取名Kaitlyn，有清純的意思。又指BB樣子跟大女出世時幾乎一樣，似足老公。問到會否追仔？她笑言要「抖抖先」，並自爆預先代BB送禮物給大女，發覺非常有效，當大女探望妹妹時非常興奮，還大方分享最愛的乳酪糖給妹妹：「以後大女有個伴，姊妹可以講心事，係媽媽嘅願望。」