《鐵探》高收擬拍續篇 惠英紅講明收平啲！

《鐵探》前晚慶功，台前幕後都希望拍續集。

席間楊明被點名絲襪笠頭「找數」，他再tag張寶兒及鄧佩儀，兩女即同笠一對絲襪，寶兒男友袁偉豪見狀笑言：「你今晚唔好返嚟嘞，去鄧佩儀嗰度啦！」談到拍續集，他提議出埠拍：「去長洲都好，大家好似去旅行咁。」惠英紅亦樂意再合作，揚言可以「收平啲」！說到日前她「找數」所用的絲襪，原來年前為出席《金馬獎》而買，價值數千元。對於許紹雄被指傳「艷照」向內地女網民求歡，她說對過他的微信帳戶，編號並不一樣，對他揚言遭網絡強姦，惠英紅笑言：「幾十歲人有得畀人強都好吖，佢性格樂觀冇嘢嘅！」而吳廷燁36年前無綫藝訓班畢業後，首次回「娘家」拍劇，希望繼續合作。

• 張寶兒（右）、鄧佩儀「找數」，袁偉豪冇眼睇。