身高差成截！龔嘉欣咀到袁文傑擘髀
藝員龔嘉欣昨日返回將軍澳電視城為劇集《大醬園》開工，劇中她與袁文傑飾演情侶，但由於身高差距太大，嘉欣笑言拍Kiss戲時難以「高攀」，她說：「佢着埋對軍靴成1米90咁高，我同佢身高差成20至30cm，所以我錫唔到佢，佢要擘開對腳降低啲遷就我。（揀男友唔揀咁高？）冇乜特定條件，咁高又好有安全感！」
談及好友姚子羚捲入四角戀，嘉欣說：「佢處理得好好，同大家交代咗，我同佢都有聯絡，開工喺公司見到，不過唔想打擾佢，佢已經好煩，作為朋友喺佢身邊默默支持。（識唔識姚子羚前男友Raymond？）唔講喇！講落去件事會變得複雜，作為朋友唔講太多，希望件事快啲過去。」並指姚子羚開工很辛苦，拍打戲搞到手腳瘀傷，睇見都心痛。
