鄭俊弘密謀獨自偷歡

歌手鄭俊弘昨日出席電台活動，透露正籌備錄新歌，前晚則在郵輪商演，問到可有暈船浪？他說：「因為喺船尾唱，啲浪好似跟住拍子拋拋吓，幾有Feel。（有冇諗住同家人坐郵輪旅行？）阿媽啱啱先去完歐洲，細個時跟阿媽坐郵輪去廈門，發現當地係冇廈門炒米嘅！」問到與女友何雁詩如何慶祝拍拖周年？他說：「未諗，不過我哋都鍾意主題公園，想去加勒比海嗰邊。（咁Sweet應該留番度蜜月去？）又唔需要，主題公園幾時去都得。（你好有童真？）細細個就睇佢哋啲動畫，好想去晒世界各地嘅主題公園，就算一個人去都可以。」