鄧麗欣、凌文龍前日在老人院為電影《殘影空間》開工，適逢凌文龍33歲生日，劇組送上蛋糕及唱生日歌，令他大為感動︰「開工時準備心情去演呢個失衡有精神病患嘅角色，冇諗過食飯時有人同我慶祝生日，驚喜、開心又感動，但之後又要回復心情，準備去演一個唔太開心嘅角色。」說到生日願望，他說︰「希望自己嘅創作同作品，可以影響到文化同社會，呢個係我做戲劇嘅心願。」
