蔡思貝短裙驚蝕底洪永城唔敢爆粗
洪永城與蔡思貝前晚為遊戲節目擔任嘉賓，自發生藝人坐車時被偷拍後，兩人坦言會特別小心，洪永城直言坐的士會小心言行，蔡思貝則擔心穿短裙會遭偷拍「蝕底」。
無綫藝人洪永城、蔡思貝與楊秀惠等前晚在將軍澳電視城為節目《娛樂大家》擔任嘉賓。提到許志安與黃心穎在車廂越軌被拍低，事件令大眾注意到偷拍問題，洪永城坦言現時搭的士都會更加小心：「粗俗啲嘅語言都唔敢講，公眾人物都要檢點啲。」蔡思貝亦留意到有的士或網約車疑安裝針孔偷拍鏡頭，因她多數一個人搭車，故現時穿短裙坐車也會格外留神，以免「蝕底」。
楊秀惠玩遊戲反應鈍
至於近日被指捲入四角戀的姚子羚，早前與洪永城合作劇集《黃金有罪》，問到可有關心對方？他說：「冇打擾佢！相信佢都好煩惱。不過我覺得佢開記者會做得好好，清楚交代成件事來龍去脈，令到大家唔會有其他猜測。」並相信事件不會影響劇集出街。
他又透露最近忙於籌備兩個旅遊節目，8月將會拍《使徒行者3》：「9月去北韓，希望成行，依家當地旅遊局聯絡緊，睇吓可唔可以拜訪啲重要人物，好似探吓金仔（金正恩），申請咗但唔知批唔批。」蔡思貝亦將拍攝旅遊節目，但地點與拍檔也未落實。
另外，甚有生意頭腦的楊秀惠自爆被遊戲考起：「玩遊戲真係覺得自己有啲鈍，平時都唔覺得反應咁慢，哈哈。」已經九個月沒有返公司拍劇，她坦言掛念公司大家庭，已準備好再開劇。