被叫扮嫖客歐陽震華嬲到收線
藝人歐陽震華昨日到電台接受訪問，講到當年跑龍套的日子，他表示曾收到電話指要扮嫖客，對方更輕佻表示有女攬又冇對白，此話令他很生氣，即刻收線：「有時啲嘢過分就唔可以啞忍，可能都造成我得罪咗好多人。」他表示拍《壹號皇庭》前，渾渾噩噩了10年，當時曾想轉行，幸後來劇集大受歡迎，但他拍完第二輯便離開TVB：「嗰陣諗住轉部頭（合約），但公司冇諗住同我續約，傾都唔同我傾，不過就係嗰陣出到去大開眼界。」
直至第三輯開拍，他歸隊重返TVB：「依家做咗咁多年都有感情，雖然有時有啲投訴同摩擦，但TVB都係好公司。」講到近日客串《愛．回家之開心速遞》，他表示雖然又熱又通宵，但笑言有風扇和櫈很好招呼。