周家蔚為仔忙唔敢擴充生意
藝人周家蔚昨日到新城電台接受訪問，分享搞護膚品生意的心得，透露今次落重本投資：「未到一百萬！有同個老師一齊做。」還興奮指生意未夠半年已經回本兼有賺：「間舖頭唔係開喺啲旺區，靠口碑同良心去做。（開分店？）老師想，但我叫佢唔好急，請人又難，始終我嘅第一位係啲仔，好難太瞓身去搞。」
講到跟劉永健主持的節目《友枱VIP》日前播畢，問到可會添食？家蔚笑言未知安排，但自爆上網睇到負評：「有網民話我唔係好主持！（唔開心？）唔會！我又唔係主持出身，以為剪完係煮嘢食播多啲，反而冇好多。我係投入咗去煮嘢食，唔敢問啲尖銳問題，悶親觀眾都唔好意思。」