舊愛余思霆拍拖 Tyrese：冇親口恭喜
組合BOP天堂鳥前晚出席沙灘Band騷派對，提到成員Tyrese舊愛余思霆日前承認與朱敏瀚拍拖，問到可有祝福對方？他竟答沒有，與女方口徑不一致：「會祝福佢哋，但冇親口或Send Message同佢講恭喜。（但佢話有你講？）我哋除咗有必要嘅事會溝通外，都冇再聯絡、冇傾閒偈，但始終係朋友會祝福。（覺得佢哋發展太快？）佢哋點發展我唔清楚，呢啲都係女方嘅決定，我唔會干涉佢嘅感情生活，佢鍾意點就點。」問到可有恭喜「女友」林欣彤簽新公司？他的語氣即時改變，開心說：「呢個真係有恭喜，希望佢喺音樂路上更加順利，互相支持大家。」
