關嘉敏蛋漿面膜平靚正護膚
跳唱組合Bingo隊長關嘉敏（Carman）熱愛護膚扮靚，身為慳妹的她自創平價面膜。材料超方便，只需雞蛋和植物油便可以，她表示：「首先將蛋黃攪勻，然後將植物油同蛋黃漿搽喺塊面度。如果想保濕啲，可以加少少蘆薈啫喱喺塊面，然後將化妝棉一塊一塊敷住塊面，15分鐘後，塊面就會又滑又有彈性，仲好上妝添！」
問到為何想到此方法？Carman笑言：「有次想敷面膜，咁啱屋企冇晒，諗起之前上網睇過人哋DIY面膜，所以試吓，點知真係幾好用，材料又簡單，仲可以因皮膚需要加唔同功效！例如想要磨砂功效可以加鹽，想改善粉刺就加蜂蜜。」又透露平均每星期敷一次面膜：「有時自己煮早餐需要用蛋，我會用一半敷面，一半煮嚟食，一蛋兩用！」
