閨蜜朱庭萱抱不平：佢係受害者！
「女廚神」朱庭萱（Bonnie）是子羚的閨蜜，不時互相傾訴心事，對於子羚被指偷食人夫，Bonnie昨日回應：「我作為佢好朋友，我只可以講子羚係受害者！佢唔係傳聞中拆散人哋家庭嘅人，唔係呢啲咁嘅女人！」據Bonnie透露，子羚認識Raymond時，男方已分居：「男女分開後都可以自由拍拖啦，希望大家對子羚公平啲，唔好抹黑佢！（知佢哋點解分手？）呢個留番佢自己講啦！」
同屬子羚好友的歌手劉晨芝昨日對報道大感愕然，表示毫不知情，但力撐好友：「我識咗子羚咁多年，好清楚佢為人係點，佢絕對唔會亂嚟！作為好友，我當然關心子羚，但我唔係當事人，我都唔講太多喇！」
至於《唐人街》拍檔陳山聰受訪時表示：「我諗呢啲咁敏感嘅時候，應該交番畀當事人講會好啲囉。（佢開工有冇異樣？）冇嘢喎，我哋一路拍緊時，冇嘢、冇異常。」