HBO神劇《權力遊戲》（Game of Thrones）第8季亦即最後一季，自開播以來劣評如潮，大批觀眾批評劇情跌watt。最近有粉絲在網上發起簽名運動，叫HBO再搵編劇寫劇本重拍。截至昨午三時，已達標集合20多萬個簽名，HBO必須要回應粉絲的訴求。
發起簽名運動的粉絲在請願書留言：「當《權》兩位創作人David Benioff 與D.B. Weiss冇原著可以依賴，已經證明佢哋係一個可悲嘅無能編劇。呢個系列值得一個有意義嘅最後一季，HBO令它實現吧！」雖然不少人跪求重拍，但可能性不大，因今季是HBO有史以來耗資最多金錢拍攝。而《權》大結局將於香港時間下周一早上9時在HBO頻道播映，前日亦公開最後一集的兩張劇照。