謝安琪又畀Juno虐待玩「轉」成個月

謝安琪以露背裝上陣，自爆為廣告克服跳舞轉圈。

歌手謝安琪（Kay）與麥浚龍（Juno）昨日以20周年品牌大使身份，到銅鑼灣街頭出席《McCafé 20週年限定店發布會》，Kay以露背裝上陣，兩人又即場炮製飲品。為廣告擔任創意總監及導演的Juno表示，過程很有趣：「廣告入面有跳舞嘅動作，有80個年輕人一齊參與拍攝，嗰幕都拍咗120個Take，因為太多人，好多位置，今次都辛苦咗Kay。」又表示今次是兩人的新嘗試：「一齊拍廣告，又要故事同對話，同我哋嘅角色（董折與浦銘心）又有關係。」

問到可有被跳舞考起？Kay笑言發現不懂轉圈：「係個轉身嘅動作！我好少跳舞，同埋原來自己唔識轉圈，我份人好腳踏實地，所以練轉圈練咗一個月，最後都順利拍到，克服人生一樣嘢。」Juno早前拍MV要Kay抽煙，今次則要挑戰轉圈，被嘲經常「虐待」她，他即搶答：「呢啲叫突破。」Kay亦表示挑戰是值得的：「好欣賞佢嘅創作意念，每次出嚟效果都好好。」

麥美恩冇搵黃心穎

同場的麥美恩表示能夠擔任司儀很感恩：「忙緊拍《粵講粵(女籫)鬼》，多謝節目組特登抽時間畀我出一出嚟，同埋對呢個品牌都有情意結，因為又係姓麥！」講到居於加拿大的母親被誤認是黃心穎媽咪，慘被街坊指指點點，她表示已告一段落：「多謝記者朋友幫忙澄清。（媽咪有冇唔開心？）佢性格同我一樣好樂觀，呢啲都係小插曲，唔需要太過理會。（同黃心穎聯絡？）暫時未有，真係要空間。」

兩人即場炮製飲品，色香味俱全。	Juno出場前喪睇手機，背貓紙？	同姓三分親，麥美恩做司儀零舍有親切感。