跪地求婚成功 林利趕造人：唔知得唔得！
52歲藝人林利曾患直腸癌，去年切除腫瘤後已康復，早前還自爆與相識超過廿年、做生意的圈外女友蜜運中。日前他上載與女友頭貼頭的親暱照，並留言放閃：「終於，柔情蜜意……」昨日他承認月初已求婚成功，女友Erin是台灣人，以前是他的歌迷，早前對方來港探他，他見時機成熟即在機場跪地求婚，女友被他感動得當場落淚。
喜歡家庭生活的他坦言要有個家，覺得找到伴人生才圓滿，未婚妻跟他性格、思維都相似，兩人打算旅行結婚，他說：「我鍾意簡單，最怕麻煩，所以唔會擺酒，不過應該會喺香港簽字註冊。（生BB？）嘗試吓，唔知道年紀得唔得，有冇都冇所謂。（求婚戒指幾多卡？）佢本身做珠寶翡翠，已經有好多，我隻求婚戒指唔係好貴，最緊要係心意。」6月他將拍攝警匪劇，坦言體力不如前，未來會以唱歌為主。