張敬軒再唱苦情歌MV拍到癲
張敬軒昨日推出全新廣東歌《空手而來》，他表示是次製作班底是一個新嘗試組合，令他在演繹上發揮得更淋漓盡致︰「監製舒文會講解每句嘅意思，有好強嘅畫面感。今次揀咗AGA（江海迦）嘅作品，發現我同佢喺音樂鑑賞同想表達嘅內容上好相似，有莫名嘅默契同共同點，喺情感表達上更具感染力。」
MV方面，軒仔坦言從未拍過情緒如此極端，更用「瘋狂」來形容︰「女主角好榮幸請到談善言，喺片場第一次見就要激烈鬧交、有肢體衝突咁Extreme（極端）。好耐都冇唱過咁苦嘅情歌，MV亦都好寫實、感動，希望呢首歌可以成為有療傷能力嘅作品，大家可以通過聽歌、睇MV發洩，或寄託到自己嘅一啲情感。」
