日曬雨淋遇地震 李幸倪鬧交變搞笑

歌手李幸倪（Gin Lee）為籌備全新國語專輯，早前到台灣為首支國語派台歌《孤獨門口》拍MV，不過此行壓力甚大，除了她抵台後患感冒兼眼角膜發炎，期間又遇地震，而且行程趕急，拍攝工作由凌晨3時至晚上7時，連續16小時經歷不同天氣，既在草原吹風，又要烈日下穿毛衣狂奔，甚至淋雨，但她笑指最大挑戰是要與MV男主角林哲熹攬攬抱抱：「事前淨係知佢嘅短片《審判》曾獲法國尼斯影展最佳男主角，大家一見面就要做親密戲，真係好尷尬！」由於對方將來港出席電影活動，她遂以教廣東話來打破尷尬局面：「我哋就係咁開始文化交流，最好笑係佢想學嘅廣東話好粗鄙，我好奇問佢點解會識？原來係睇《古惑仔》電影學！」