劉浩龍臨場加演「脫衣舞」

歌手劉浩龍日前在中山開騷，妹妹帶同母親及經理人黃柏高北上撐場。他一直最緊張演唱會的跳舞環節，幸好一直有練習又熟記舞步，豈料導演突然加要求，指如果台下反應熱烈，不妨一脫晒肌，劉浩龍說：「舊年開始健身後，身形一直Keep到，所以今次冇話要好辛苦減肥，只係開騷前一個月戒口，淨係食雞胸、蛋白，等啲肌肉線條好啲，估唔到觀眾鍾意聽我唱歌多過騷肌，早知唔使練得咁辛苦！」今次個唱所有門票收益，包括三成歌酬，將撥捐廣州的慈善機構，藉此幫助孤、貧、殘障及困境兒童。