恭碩良後悔請學友助陣
歌手恭碩良昨日為8月的演唱會舉行記者會，獲經理人黃柏高到場支持。提到加至兩場，恭碩良表示很開心：「今次係天時地利人和，上年幫Eason（陳奕迅）做咗個紀錄片之後人際好似好咗，行街都覺得有少少唔同，對面街啲Uncle都會同我打招呼。」但坦言：「我唔會畀自己10分開心，好多嘢隨時冇，所以會珍惜大家嚟支持。」
他又講到今次開騷紀念入行20年，很多朋友都主動表示要幫忙：「但我叫佢哋嚟睇好啦，記得有年張學友嚟做嘉賓，我有少少後悔，因為佢冇辦法好好咁睇個騷！（唔會有嘉賓？）應該都有，因為我同岑寧兒合唱咗首新歌。」問到女友林憶蓮會否做嘉賓？他坦言未必：「正如我都唔會再叫Eason、學友嗰啲嚟，因為之前合作過。（但憶蓮會嚟睇？）會。」
