許廷鏗瘦咗轉做Chok王
歌手許廷鏗昨日現身電台宣傳新歌《單數》，講到在MV中「Chok到盡頭」，他抵死笑指是最Chok的作品：「開完紅館騷難得瘦番少少，想喺形象上有轉變。之前Fans成日話我喺MV少出鏡，依家出多啲樣，大家OK就再出多啲。」更自豪表示新形象獲Fans喜愛：「佢哋話鍾意我個髮型，依家條件多啲可以試多啲，首歌有好多人Download，好開心。」
提到好友林欣彤成為華納同門師妹，他說：「佢話我係佢個媒人！我哋呢幾年有一個共同音樂計劃，同事負責穿針引線，加上佢見到我同公司合作兩年，出到廿幾首歌，又開咗演唱會，成績唔錯，佢都絕對有條件做到，希望年底可以有合作。」