腰粗肚脹減工作 阿Sa第二度雪卵打錯針

蔡卓妍（阿Sa）昨日一身白色衫裙出席「英皇珠寶Love Knot系列」活動，同場的英皇珠寶主席兼行政總裁楊諾思亦穿上白色裝束，阿Sa開玩笑說：「我哋係阿Sa、阿嬌。」她透露活動後要趕往機場，與阿嬌（鍾欣潼）到日本過二人世界，她說：「因為聽日係Twins出道18周年，我哋去日本二人世界，好短去幾日，冇帶另一半，主要吃喝玩樂。」

卵子質素OK

月前已自爆準備雪卵的她，直認近來頻頻放假亦是因為這個原因：「所以唔可以咁辛勞，今日個活動係幾個月前接，其實仲有少少肥，條腰好緊，粗咗一個圈，上身本來唔係呢件衫，揀呢件遮住，想睇嚟瘦啲，想好似容祖兒咁Fit。」她透露已完成雪卵，儲到OK數量，不過不失，但會再做一次：「再儲多次穩陣啲，再儲一支生力軍。我年紀唔細，細啲開始儲，依家卵質素OK合格。（有冇唔舒服？）少少，肚仲有少少痠痛，脹脹哋，本來今日想改期，但Mark咗就做。」她表示之後會接簡單的活動和廣告，不會完全放假，8月亦要做舞台劇。

望10年內生B

阿Sa希望卵子能在10年內使用，又自爆在台灣工作時，因為計錯數而打錯針，她說：「計錯日子，打錯分量，勁驚！當時人在日月潭，即刻打電話畀香港醫生，佢話打錯咗冇法，叫我第二日去台中搵間診所買排卵試紙，睇吓啲卵有冇消失。」又自爆起初會怕在肚上打賀爾蒙針，但現已不用醫生幫忙。