田蕊妮獨遊西藏嗌爽
視后田蕊妮昨日到電台宣傳新碟《Saturnian》，並興奮表示今日將獨自啟程到西藏旅遊兩周：「係我第一次自己去旅行，之前好驚食飯、睇戲自己一個，我係群體生活嘅人，但決定試吓自己一個去旅行！（一嚟就去西藏？）如果又去日本、東京呢啲，覺得多啲人先好玩，但如果去西藏，可以自己慢慢咁影吓啲寺廟同風景，唔怕人哋等我咁耐，呢個地方都想去好多年。」
阿田坦言擔心屆時有高山反應，但早已做好準備：「洪永城去過兩次有經驗，都有分享啲貼士畀我，自己又去咗睇醫生，去之前食藥就OK。（帶定氧氣樽？）嗰度好先進咩都有嘅，同埋都有朋友住嗰度，如果時間夾到會一齊玩，發覺自己Plan行程已經好爽！」她透露叉足電回港後，就要埋首準備9月舉行的麥花臣演唱會。