密會人夫？蔣祖曼拍醒老公備案
憑無綫劇《鐵探》人氣升的33歲演員蔣祖曼，早年與從事電影幕後的陳卓麒結婚，當年只有二十多歲就做繼母，其後再為老公誕下女兒。日前她被目睹與已婚玄學家羅雲龍密會，對方主動幫她孭背囊外，又出手為她按摩頸部，之後齊齊上了灣仔一幢舊樓。
蔣祖曼昨日就此回應：「羅師傅同我哋屋企都識嘅，都有啲唔好意思，搞着佢屋企人。今朝我有拍醒老公話畀佢知，但佢趕住出門口做嘢，我哋未講呢件事，佢咪笑一笑囉。」她解釋當日是到灣仔探望羅雲龍的師傅，不少工作人員都知道她之前出席《鐵探》活動時整傷頸，患處更試過動彈不得，進食時連下顎都感到痛楚，所以羅雲龍才替她孭背囊，續說：「佢幫我按咗兩下，嗰日探完師傅，我仲返公司會合老公食飯。」