林峯凌空腿張開怕歌迷握錯位

闊別舞台兩年的林峯，甫出場連唱多首快歌揭開序幕。穿背心的他大騷麒麟臂，即被歌迷叫除衫，他笑說：「大佬！呢個係演唱會，叫除衫係咪入錯場？」

疑有歌迷跌倒

期間他利用太空吊臂，凌空360度在觀眾席上跟歌迷近距離接觸，以倒掛方式與大家握手，不少人爭相向他雙手及雙腳「又握又摸」，他不斷提醒大家：「唔好拉我呀！唔好拉腳呀！否則唔握o架！」期間他亦有叫停：「唔好拉，停！安全第一。」混亂間，有歌迷疑似跌倒，林峯即緊張問：「有冇事？有冇事？」得知歌迷無恙後，他繼續環繞四面觀眾席握手。

空中飛人	林峯於空中360度旋轉與觀眾握手，險象環生。	林峯全晚又跳又唱，絕無冷場。

除了「空中握手」，林峯不時走到觀眾席，拿歌迷的手機玩自拍，非常親民。而老闆古天樂特別拍短片為林峯打氣，並踢爆他忙於健身，操到雙手舉不起。

最緊要安全

完騷後，林峯受訪時提到空中握手環節險象環生，聽到他突然叫停，是否有事發生？他說：「冇事，佢哋都係笑住，不過我見到大家好熱情好逼，加上有樓梯，驚佢哋會跣親，最緊要注意安全，否則就要取消。」又自爆當時穿着「威吔褲」，雙腳又張開，擔心歌迷握手時握錯位。他透露稍後會到廣西及上海開騷，明年計劃舉行全新的世界巡迴演唱會。問到女友張馨月可有捧場？他說：「唔講呢啲啦，我唯一可以講嘅係，佢睇我排舞已經睇到好熟。」

（特派記者衛紫敏澳門報道）