鄧麗欣母女檔派花送驚喜撻Q

鄧麗欣（Stephy）昨日趁母親節化身「街頭愛神」，攜同媽媽參與慈善團體的街頭派花活動，首次「母女檔」行善，別具意義，她說：「今日好特別，媽媽以偉大母親嘅身份去派花畀其他偉大嘅母親，係一個好難忘、開心嘅母親節。」兩母女一早到辦公室為過百支康乃馨裝飾扮靚，送花之餘，同時要令子女向媽媽當眾送吻，將愛意傳遞開去，吸引大批途人圍觀及集郵，期間Stephy胞姊更驚喜現身，一家三口拍照留念。