藝人倪晨曦（Elva）昨日出席太陽眼鏡活動時透露，將到歐洲工作：「上次去玻利維亞影婚紗相太攰，之後去歐洲都係因為工作。（未婚夫一齊去？）佢冇興趣跟我一齊做嘢，之前已經試過，但我去到當地會不斷影相，就算兩個人一齊去都冇乜溝通，所以佢覺得Enjoy唔到個旅程，唔會再跟我去工作。」
Elva自爆在港學車，笑言教車師傅非常緊張：「我仲未適應到香港嘅路牌，大家喺路邊要小心我，同埋預咗唔會一次合格。」
