BINGO唱心聲想喊嚇親隊友

組合BINGO成員Carman及Queena夥拍BOP天堂鳥成員Gordon、Lincoln與Tyrese首次到街頭Busking,感覺既新鮮又擔心!BINGO先後演唱《高山低谷》、《有點甜》及改編版的《後街女孩》,雖然室外溫度高達31度,但五人大汗淋漓仍傾力演出。

拍膊頭鼓勵

情緒高漲的Queena坦言唱至《高山低谷》時很想喊:「自己可以加入BINGO嘅過程真係好似坐過山車一樣,歌詞唱到入心。同BOP天堂鳥合唱真係好安心同放鬆,感覺有人照顧我哋,而我哋都要再努力啲練習,今次知有不足之處,希望下次會唱得更好。」Carman則說:「Queena突然哽咽想喊,我都嚇一嚇,只可以拍一拍佢膊頭,因為我哋兩個都太緊張,緊張到連同事都不停提我哋要笑,要有眼神交流先會有好嘅表演,但係我哋同公司,私下太老友,互相對望已經好想笑!」

天堂鳥指今次Busking反應很好:「我哋一到,已經有好多粉絲喺現場等緊我哋!今次現場同BINGO合唱係好開心,其實可以Busking嘅地方唔多,能夠參與其中真係好開心,仲可以直接睇到觀眾嘅反應,係每位表演者都想嘅,希望可以再有更多機會。」