《美女廚房》的美女學徒之一吳紫韻（Purple），近日正式加盟TVB娛樂新聞台做主持，由模特兒轉型的她坦言最初並不習慣，試過壓力爆煲狂爆瘡：「因為好緊張，加上畀自己嘅無形壓力，有排個下巴爆晒瘡！我以前不嬲都唔會生暗瘡，搞到我更加唔開心同緊張，仲一緊張就會肚痛，適應咗兩個月先好啲，好彩其他主持都好好，會教我點做。」
Purple指在外景時曾遇上偶像，心情勁興奮：「可以近距離接觸，同佢哋傾偈，感覺好特別！」又表示做主持令自己的口才、臨場反應有改善，絕對是好訓練。
