畀喱士邊玩殘 苟芸慧論盡見「暈」

苟芸慧（苟姑娘）、麥明詩及陳鈺芸（JuJu）昨日出席內衣品牌活動，正當苟姑娘風騷大晒吸睛事業線時，內搭的Lace連身裙不敵其白滑肌膚突然滑下，眼見她疑似露暈，工作人員即時上前為她整理衣服，不過她事後回覆本報時堅稱有貼乳貼。

活動上，苟姑娘自誇造型健康性感，既可當內衣，又可當外出服，如跟姊妹High Tea時着。問老公可有送過情趣內衣？她怕醜笑說沒有：「通常都係同女仔一齊揀，老公冇咩留意，我都係揀啲舒服啲、輕身少少，鍾意絲質。（老公鍾意咩款？）佢鍾意我鍾意嘅！」講完冧樣盡現！問到可會挑選情趣款式？她說：「通常都係揀畀朋友、姊妹多。」

同場的麥明詩玩跌膊兼露纖腰，但都被苟姑娘徹底拋離！她笑言主要Sell睡衣的功能性：「呢件睇落都健康性感。（屋企件睡衣性感？）要睇心情同對手，例如去旅行唔知同哥哥定父母瞓。（如果同男友瞓呢？）唔好提啲傷心事！但如果同將來嘅老公瞓，我會好有情趣，仲大膽過啲男仔！」

放大圖片	麥明詩唔夠「胸湧」，惟有玩跌膊搶分。	JuJu輕輕拉開上衣，騷身材兼晒巨型鑽戒，醒目！

自選情趣內衣調情

若追求者送情趣內衣會否接受？她即耍手擰頭說：「唔好，我想主導成件事，想喺過程取悅到對方，畀到Surprise佢，畀番我揀會自主啲，不過都會問吓對方鍾意咩。以往男友有啲鍾意我保守，有啲鍾意我着白色、黑色，所以問清楚好啲！」至於會否選內衣作母親節禮物，她大讚是好提議：「等佢6月着畀爸爸睇做父親節禮物，一件事可以滿足到兩個人！」

至於剛答應荷里活導演司徒永華求婚的JuJu，冧爆指一身性感造型由未婚夫挑選，但都不及左手的求婚鑽戒搶眼，她預告或年底於美國擺酒：「香港就可能只同親戚朋友食飯，依家睇緊婚紗。（生B？）Plan緊。」