高海寧慘到喊楊明男人最痛

無綫劇集《婚姻合伙人》將於5月13日在翡翠台首播，此劇由潘嘉德監製，並由高海寧、楊明、黃德斌、湯洛雯、陸永、林秀怡、林景程等擔綱演出，楊明與高海寧都是首次擔正第一男、女主角，楊明於劇中飾演朗朝勇一角，是一名大暖男，與高海寧飾演的貝競枝由合作經營劏房到開設地產代理公司，二人最終結成夫婦，成為在公在私的合夥人，朝勇對競枝寵愛，所有事都為她而出發，更不惜替她頂罪入獄。

搣大髀忍笑

高海寧坦言劇中角色是一個悲情人物，因為童年被父親遺棄，覺得金錢才令她有安全感，故不斷努力讀書、賺錢，令自己有好的生活。她說：「雖然佢遭遇係咁悲慘，但表面佢係一個女強人，後生時認識咗楊明呢個超級大暖男，佢整個人生都係為咗我，我亦要融入佢個大家庭，包括同佢媽咪（黃淑儀飾）、舅父（古明華飾）、細佬（陸永飾）、妹妹（湯洛雯飾）相處，因為我習慣一個人，好難融入佢哋嘅世界，所以之後發生好多矛盾同事情，我同楊明喺劇中經歷結婚、生女、離婚，到最後反目成仇，個角色起伏相當大。」她笑言拍時要Keep住忍笑，搣自己大髀，因為要與一眾爆笑之人古明華及陸永合作：「個劇情雖然好沉重，但由於我哋以喜劇形式拍攝，所以節奏好明快，佢哋亦都好搞笑。」

劇中的一段婚姻經歷不少波折。

高海寧與黃德斌有曖昧關係。

難忘感人場面

此外，高海寧表示拍了兩星期後就完全投入角色，當了自己是貝競枝去經歷另一個人生，她認真地說：「我睇劇本睇到喊，我未試過咁樣，媽咪都嚇親問我咩事，有個幾星期都要拍喊戲，但太入戲，我唔使點培養就喊得出，好神奇，但我好享受、好滿足。」

而楊明受訪時坦言其中一場帶埋個女搵老婆的戲份很感人，劇情講述他懷疑老婆高海寧與黃德斌有姦情，然後帶埋個女去德斌住的酒店找她，途中即時錄了一條片給高海寧，叫她下來，就當甚麼都沒發生過！這一幕是朗朝勇對貝競枝死心的一幕，一個曾為她坐監的人，對她百般遷就，當刻心情既憤怒又不捨，相當矛盾，楊明形容是「男人最痛」。而劇中亦有場他的母親黃淑儀突然推高海寧落海的一幕，楊明坦言相當搞笑。